აპოლოგეტიკა - დიალოგი ძველმართლმადიდებლობაზე 7 - საქართველოს ძველმართლმადიდებლური ეკლესია

საქართველოს ძველმართლმადიდებლური ეკლესიის ოფიციალური საიტი
Перейти к контенту
საღვთისმეტყველო დისპუტი ფორუმ www.church.ge-ზე

ძველმართლმადიდებლებსა და გაბატონებული ეკლესიის მიმდევრებს შორის
დიალოგი ძველმართლმადიდებლობაზე
დიალოგი ძველმართლმადიდებლობაზე
"როცა უსჯულოს ვეტყვი: სიკვდილით მოკვდები-მეთქი, შენ კი არ გააფრთხილებ მას და არაფერს ეტყვი უსჯულოს ბოროტი გზიდან ჩამოსაშორებლად, რომ გადარჩეს, მოკვდება უსჯულო იგი თავის უკეთურებაში და მის სისხლს შენ მოგკითხავ.

ხოლო თუ შენ გააფრთხილებ უსჯულოს და არ მოიქცევა თავისი უსჯულოებისაგან და ბოროტი გზიდან, თავის უსჯულოებაში მოკვდება, შენ კი გადარჩენილი გყავს შენი თავი".


ეზეკიელი 3:18-19
ამ რამოდენიმე ხნის წინათ, ინტერნეტში, ვებ-ფორუმების მეშვეობით გაიმართა დისპუტი ძველმართლმადიდებელ ქრისტეანებსა და ოფიციალური ეკლესიის წევრებს შორის. ძველმართლმადიდებელთა მხრიდან დისპუტში მონაწილეობის მიზანი იყო სწორი და მართებული ინფორმაციის მიწოდება, როგორც ძველმართლმადიდებლობაზე (ზოგადად), ასევე კონკრეტულ საეკლესიო საკითხებზეც.

როგორც მოსალოდნელი იყო, ჩვენს ამ მცდელობას ობიექტურად განგვემარტა მთელი რიგი სადავო საკითხები ოფიციალურ, ე. წ. "მართლმადიდებელ" ეკლესიასა და ძველმართლმადიდებელთა შორის, მოჰყვა საკმაოდ მძაფრი რეაქცია გაბატონებული ეკლესიის ადეპტთა მხრიდან. დისპუტის პროცესში გამოიკვეთა საეკლესიო ფორუმების საერთო სტრატეგია, - ყოველგვარი საშუალებით ობსტრუქცია მოუწყონ იმ პირებს, რომლებიც ცდილობენ ამხილონ ოფიციალურ ეკლესიაში არსებულ დარღვევები და გადახრები.

იმისათვის, რათა ფართო საზოგადოებისთვის მისაწვდომი ყოფილიყო სხვადასხვა ფორუმში გამართული პოლემიკის მთელი შინაარსი და დახატულიყო ის სურათი, რაც ამ ფორუმებზე გამართული დისპუტით გამოიკვეთა, ჩვენი საიტის ადმინისტრაციამ გადაწყვიტა თავი მოეყარა ყველა ამ მასალისთვის და თემატური სახით შეეთავაზებინა ობიექტური მკითხველისთვის, რათა მან თავად განსაჯოს ვინ ვინ არის და რას ესწრაფვის.

დისპუტი ძირითადად წარმოებდა ფორუმებზე: www.church.ge; www.forum.archangels.ge და www.iveria-tv.ge/forum

ფორუმში, ძველმართლმადიდებელთა მხრიდან, მონაწილეობდა ორი პიროვნება: "ძველმართლმადიდებელი" (ფორუმზე chruc. ge) (ხოლო ფორუმებზე: forum.archangels.ge და iveria.tv.ge "odlbeliever"-ის ფსევდონიმით) და "Netvorc"-ი.

ოფიციალური ეკლესიის მხარდამჭერთა მხრიდან კი ძველმართლმადიდებელთა წინააღმდეგ გამოდიოდა მრავალი ადამიანი, რომელთა ნიკებს (ფსევდონიმებს) მკითხველი იხილავს თვით დისპუტის მასალებში, სადაც ფრჩხილებში მითითებულია ის ფორუმი, სადაც გაიმართა კონკრეტული დიალოგი და რომელშიც მონაწილეობდა კონკრეტული ფსევდონიმით გამომავალი ძველმართლმადიდებელთა ესა თუ ის ოპონენტი.

ოპონენტთა სტილსა და ლექსიკას ვტოვებთ ხელუხლებლად, ხოლო ჩვენი მხრიდან მონაწილეთა ტექსტებში შეგვაქვს უმნიშვნელო შესწორებები, რომლებიც არ არღვევენ დისპუტის შინაარსს. ძირითადად ტექსტები დავტოვეთ უცვლელად და არ მოვაცილეთ მას იმ დაძაბული ტონი, რომელიც ხშირად გააჩნდათ მოპაექრე მხარეებს, რათა მკითხველმა მთელი სიმძაფრით შეიგრძნოს მოცემულ საკითხებზე მოდავეთა განწყობა, განსახილველი საკითხებისადმი მიმართება და ის კრიტერიუმები, რითაც ისინი საკითხთა განხილვისას სარგებლობდნენ. ტექსტების განხილვისას მკითხველს ვთხოვთ გაითვალისწინოს, რომ დიალოგები ხშირად სწარმოებდა ონლაინ რეჟიმში, მოუმზადებლად, რის გამოც ორივე მხრიდან ბევრია გრამატიკული შეცდომები.

ცხადია, დისპუტები ინტერნეტ სივრცესა თუ პირდაპირ შეხვედრებზე, შესაძლოა მომავალშიც გაიმართოს, მაგრამ, ვფიქრობთ, რომ მომავალი დისპუტებისთვის ამ დიალოგებმა უკვე ჩაყარეს საფუძველი. არის თუ არა შესაძლებელი საუბრის გაგრძელება ამ ორ მხარეს შორის ამას მომავალი გვიჩვენებს. იმედს ვიტოვებთ, რომ ეს პირველი ეტაპი, რომელიც საკმაოდ დაძაბულად წარიმართა, გარკვეულწილად საფუძველს ჩაუყრის უფრო კონსტრუქციულ და მშვიდ დიალოგს.

დიალოგის მასალები საკმაოდ ვრცელია (აქ თანამიმდევრობით და თემატური შეთავსებით არის განთავსებული ზემოთდასახელებულ სამ ფორუმზე გამართული პოლემიკა), ამიტომაც, მკითხველს რომ გაუადვილდეს მხარეების ამოცნობა, შავი ფერის შრიფტით განვათავსეთ ძველმართლმადიდებელთა პასუხები, მოცისფრო შრიფტით ჩვენი ოპონენტების შრიფტი, ხოლო მოწითალო შრიფტით ის ციტატებია აღნიშნული, რომელთაც თავიანთ პასუხებში იყენებდნენ პოლემისტები.
ძველმართლმადიდებელი (agmsarebeli. ციტატა): "ძველმართლმადიდებელო, მოდი ასე მოვიქცეთ: სადმე წყნარ ადგილას შევხვდეთ ამ საკითხით დაინტერესებული პირები და წყნარად ვისაუბროთ, ადგილის მოძიება პრობლემა არ უნდა იყოს, შენ თუ გაქვს სურვილი და მერე ვეერსია სად შეიძლება შევხვდეთ, გვითხარი თუ არადა ჩვენ გამოვნახავთ ადგილს. შენი შენი არგუმენტაციით და ლიტერატურით მოხვალ, ჩვენკი-ჩვენი. თან, ვინც გინდა წამოიყვანე სასაუბროდ.ბატონი ედიშერის წიგნს არაობიექტურს უწოდებ, რაც არასწორია და ის ნამდვილად სუბიექტური შეფასებაა. აქ ადვილი თავის დავრენა, სიტყვების ცვლა და თამაში. ასე რომ კარგი იქნება თუ ცოცხლად განვიხილავთ ამ საკითხებს. მაშინაც, საქმე პირჯვრის წერას რომ ეხებოდა, მიხვედი რაღაც ეტამდე და მერე გაჩერდი. მგონია რომ ახლაც ასე მოხდება თუ სხვანაირად არ ვისაუბრებთ ამ თემაზე. ვიმედოვნებ, რომ ჩემს წინადადებას მიიიღებ.ჩათვალე რომ დუელში გიწევ, ჯერი შენზეა თორემ მე ჩავთვლი, რომ იმას რასაც აქ წერ ვერ ამტკიცევ რეალში. ველოდები შენს პასუხს".
 
წინადადება მიღებულია. მაგრამ გადაწყვეტილებას ცოტა ხანში გეტყვი. "ძველმართლმადიდებლის" უკან დგას რამდენიმე ადამიანი. იმედია არავინ წინააღმდეგი არ იქნება. მხოლოდ უნდა იყოს ერთი პირობა. მიუხედავად ჩვენს შორის, ინტერნეტით გამართული პოლემიკის დაძაბულობისა, შეხვედრა უნდა იყოს მეგობრული. პირველი შემოთავაზების დროსაც გიპასუხე, თუ გახსოვს, რომ ასეთი შეხვედრები, სამწუხაროდ, ვერ მთავრდება მშვიდობიანი ფორმით (ღმერთმა დაგვიფაროს ერთმანეთის შეურაცხყოფა!). თუ შენი განზრახვა ზუსტად ისეთია, როგორიც გვამცნე, და ამის უკან არ იმალება სხვა მიზანი, ვფიქრობ წინადადება მიღებული იქნება და დიალოგი ინტერნეტიდან გადაინაცვლებს ცოცხალ რეჟიმში.
 
(damiane80. ციტატა): ""სტაროვერები" მეტწილად დაუმორჩილებლობის გამო იყვნენ განყენებული ეკლესიიდან".
 
მოდი გავარკვიოთ, როცა ამბობ რომ "სტაროვერები" დაუმორჩილებლობის გამო იყვნენ განყენებულნი ეკლესიისდან", როგორ ფიქრობ ვის არ დაემორჩილნენ ისინი?
 
(agmsarebeli. ციტატა): "ბატონი ედიშერის წიგნს არაობიექტურს უწოდებ, რაც არასწორია და ის ნამდვილად სუბიექტური შეფასებაა. აქ ადვილი თავის დაზვრენა, სიტყვების ცვლა და თამაში".
 
1) ჩვენ თუ რამეს არაკორექტულს ვუწოდებთ, იქვე ვუთითებთ საფუძვლებს. აფხაზთან მიმოწერაში დავდე ლინკი, სადაც ედ. ჭელიძის არაობიექტურობის მამხილებელი ნიმუშები დევს.
 
2) თავის დასაძვრენი ჩვენ არაფერი გვჭირს. პოლემიკის წერილობითი ფორმას ის უპირატესობა აქვს, რომ შესაძლებელია განუსაზღვრელი რაოდენობის წყაროთა ზუსტი ციტირება და ფოტომასალების გამოქვეყნება (თუ ეს საჭიროა); რასაც ვერ ვიტყვით ცოცხალ დებატებზე. მთელი ბიბლიოთეკის მიტანა შეუძლებელია.
 
3) კიდევ ერთხელ ვიმეორებ, რომ შეხვედრის საკითხს წყვეტს ყველა ის ადამიანი, ვინც დგას "ძველმართლმადიდებლის" უკან (ანუ ვინც მონაწილეობს ამ პროექტში). თანაც, უნდა დაგვიდასტუროთ თქვენი კეთილი განზრახვა და მეგობრული განწყობა.
 
(agmsarebeli. ციტატა): "ჩათვალე რომ დუელში გიწევ, ჯერი შენზეა თორემ მე ჩავთვლი, რომ იმას რასაც აქ წერ ვერ ამტკიცევ რეალში".
 
საერთო გადაწყვეტილებიდან გამომდინარე შედგება ან არ შედეგება ეს შეხვედრა, მაგრამ უკვე გამომწვევად იქცევი. დამიზნებული ხარ ჩვენს თავმოყვარეობას... თანაც როგორ შეიძლება იფიქრო, რომ ცოცხლად ვერ გეტყვით იმას, რასაც წერილობითად ვამბობთ. შენს პოსტში აგრესია იგრძნობა... ეს კი, როგორც უკვე ვთქვით, ხელშემშლელი ფაქტორია...
 
agmsarebeli: თქვენი მითითებული საფუძვლები ობიექტური არაა.
 
თავის დაძვრენაში მე ორივე მხარე ვიგულისხმე, ნებსით თუ უნებლიეთ ყველას შეიძლება ეს შეგვემთხვეს.
 
ოჰო, რაღაც პროექტი გქონიათ და რას იენი დაამტკიცოთ, როგორც ისახავს მიზნათ ეს პროექტი თუ არა იმას, რომ მართლმადიდებლური სწავლება გააბათილოთ და თქვენი დაამტკიცოთ, როგორც ჭეშმარიტი...
 
სიტყვა დუელმა არ შეგაშონს,, დავარქვათ მას დებატები, რომელიც, მე ჩემი მხრიდან გპირდებით, რომ ჩაივლის მშვიდ გარემოში.
 
რაც შეეხება ცოცხალი შეხვედრების უპირატესობას, ასეთ დროს ჩმის აზრით მოხდება ორივე მხარისათვის ერთი ან რამდენიმე მისაღები ლიტერატურის გამოყენება და არ დაგვჭირდება მთელი ბიბლიოთეკა.
 
ასე რომ თუ გამოწვევა (ეს სიტყვაც არ მიიღო ცუდად) მიღებულია, ზამთრის ბოლო თვის მერე იქნებ მოფიქრებული გქონდეთ პასუხი.
 
და ბოლოს, როგორც გერმანელები ამბობენ, ჩემ სიტყვებში: კაინე აგრესიონ. გელით.
 
ძველმართლმადიდებელი (agmsarebeli. ციტატა): "ისახავს მიზნათ ეს პროექტი თუ არა იმას, რომ მართლმადიდებლური სწავლება გააბათილოთ და თქვენი დაამტკიცოთ, როგორც ჭეშმარიტი...".
 
მისმინე, "აღმსარებელ", ვინც კი გასცნობია ძველმართლმადიდებლობის ისტორიას, მის სწავლებას და დღევანდელობას, არავის გასჩენია აზრი, რომ ის მიზნად ისახავს "მართლმადიდებლური სწავლების გაბათილებას", და ეს იმ უბრალო მიზეზის გამო, რომ ძველმართლმადიდებლობა თვით არის მართლმადიდებლობა, საკუთარი თავის გაბათილება კი მგონი უაზრობაა. თანაც, ძველმოწესეებსა და ახალმოწესეებს შორის არსებობს დიალოგი (რუსეთში: ერთის მხრივ ოფიციალურ ეკლესიასა და ძველმართლმადიდებლურ ეკლესიას შორის, და მეორეს მხრივ, ძველმართლმადიდებლებსა და ძველმესტილეებს შორის (მათეს სინოდი)). ეს კი შეუძლებელი იქნებოდა იმ შემთხვევაში, ძველმართლმადიდებლობა "მართლმადიდებლური სწავლების" გაბათილებას რომ ისახავდეს მიზნად.
 
თქვენი ეს ტერმინი ააშკარავებს, რომ თქვენ საკმაოდ ახირებულად და აგდებულად უყურებთ ძველმართლმადიდებლობას. ეს კიდევ ერთი დამაბრკოლებელი მიზეზია თქვენთან შესახვედრად. საერთო ჯამში შეხვედრას უნდა ვესწრაფვოდეთ, მაგრამ დამეთანხმებით ალბათ, რომ ახლა შესაძლოა ამის დრო ჯერ არ იყოს. თქვენ ცოტა უნდა "გაიზარდოთ" ძველმართლმადიდებლობასთან დაკავშირებით.
 
(agmsarebeli. ციტატა): "სიტყვა დუელმა არ შეგაშინს, დავარქვათ მას დებატები, რომელიც, მე ჩემი მხრიდან გპირდებით, რომ ჩაივლის მშვიდ გარემოში.რაც შეეხება ცოცხალი შეხვედრების უპირატესობას, ასეთ დროს ჩმეის აზრით (მო) მოხდება ორივე მხარისათვის ერთი ან რამდენიმე მისაღები ლიტერატურის გამოყენება და არ დაგვჭირდება მთელი ბიბლიოთეკა".
 
ჩვენ არაფერი გვაშინებს... არც ინტელექტუალური დუელი... მაგრამ, გამოცდილება გვაქვს ამ მხრივ არცთუ სასიამოვნო... ასეთი "დუელები" ყოველთვის მშვიდად იწყება და მშფოთვარედ მთავრდება... აი, ერთადერთი მიზეზი ჩვენი თავშეკავების...
 
(agmsarebeli. ციტატა): "ასე რომ თუ გამოწვევა(ეს სიტყვაც არ მიიღო ცუდად) მიღებულია, ზამთრის ბოლო თვის მერე იქნებ მოფიქრებული გქონდეთ პასუხი".
 
გამოწვევას გადავცემ ჩვენი ეკლესიის წევრებს, რომლებიც მონაწილეობენ ამ პროექტში... ვნახოთ...
 
agmsarebeli: გაბათილება თუ არა, რა შეიძლება ეწოდოს მურთაზ ჩახავს მოსაზრებებს ზემოთ ხსენებულ წიგნში? მგონი არ დამჭირდება შენთან იმის გარკვევა რომელ ფრაზებს ვგულისხმობ.
 
სახელად რაც გინდა ერქვას, ვინც ამტკიცებს, რომ ახლანდელი ჩვენი ეკლესიის ფორმები, გარეგანი თუ შინაგანი, არასწორია და ცდილობს თავისი დაამტკიცოს ეს ეს არის გაბათილების მცდელობა.
 
დავუშვათ, თქვენი ვირწმუნეთ, სად წავა ჩვენი მოსაზრებები? ორივე ერთად იარსებებს? ანუ უნდა გაბათილდეს, გაქრეს, აღიხოცოს....
 
აი, ამას ვგულისხმობ მე.
 
კიდევ ვიმეორებ, მოცემულ მომონტში ჩემში არავითარი აგრესია არაა და არც შეხვედრისას იქნება.
 
შენი სიტყვით გამოდის, რომ ფიზიკური შეხლა-შემოხლა გაფიქრებს. ხმალს და ხანჯალს არ ვატარებ.
 
მაშინ აქაც უნდა ერიდო საუბარს, თუკი ასეთი აგრესიული ვარ.
 
მაინც არ ამბობ რა პროექტს გულისხმობ?

ძველმართლმადიდებელი (agmsarebeli. ციტატა): "გაბათილება თუ არა, რა შეიძლება ეწოდოს მურთაზ ჩახავს მოსაზრებებს ზემოთ ხსენებულ წიგნში? მგონი არ დამჭირდება შენთან იმის გარკვევა რომელ ფრაზებს ვგულისხმობ".
 
მე არ ვიცი მურთაზ ჩახავას კონკრეტულად რომელ სიტყვებს გულისხმობ. მე მივწერე აფხაზს, რომ მას ჰქონდა შეცდომები (თუმც არაარსებითი), ზოგჯერ საკითხს აყენებდა არცთუ ზუსტად (რაც შემდგომში კარგად გამოიყენა ედ. ჭელიძემ).
 
ჩვენი მიზანი საქართველოში მართლმადიდებლობის გაძლიერებაა, მისი ძველი გადმოცემების აღორძინებაა და არა "გაბათილება", როგორც თქვენ ამბობთ. გთხოვთ გამოიჩინოთ კორექტულობა და მურთაზ ჩახავას სიტყვებს ჩვენ ნუ მოგვაწერთ. მითუმეტეს, რომ, როგორც ალბათ თქვენთვის არის ცნობილი, ჩვენსა და მურთაზ ჩახავას შორის 2001 წელს შეწყდა ევქარისტული ერთობა, მისი არასწორი პოზიციების გამო. იმედია ამას გაითვალისწინებთ. ჩვენ თუ თქვენი ეკლესიის ზოგიერთ იერარქს ვაკრიტიკებთ და თქვენს ზოგიერთ საეკლესიო პოზიციას არ შევიწყნარებთ (მაგ. წყალგადავლებით ნათლობასთან დაკავშირებით), ეს არ ნიშნავს იმას, რომ რაღაცას ვაბათილებთ. განა არჩევანი თქვენზე არაა?! გინდა დაიჯერეთ გინდ არა... ჩვენ ჩვენს გზას გავაგრძელებთ, თქვენ კი თქვენსას...
 
ან როგორ შეგვიძლია ჩვენ, მცირერიცხოვან ძველმოწესე მართლმადიდებელთ, მრავალრიცხოვანი ოფიციალური "მართლმადიდებლების" სწავლების გაბათილება, როდესაც მას ამდენი მიმდევარი ჰყავს?! ჩვენ უბრალოდ ჩვენს მოვალეობას ვიხდით მოყვასთა წინაშე. მორწმუნე საზოგადოების ცნობიერებამდე მიგვაქვს ის, რაც ჩვენ გვწამს და სწორად მიგვაჩნია, დაიჯერებენ თუ არა ამას, ეს უკვე მათი საქმეა.
 
ჩვენს ეკლესიას ჰყავს ორი ეპისკოპოსი, რომელთაგან ერთი ქართველია და ერთი მღვდელი. გვყავს რამდენიმე მედავითნე და სტიქაროსანი. ეპისკოპოსთაგან, მხოლოდ ქართველი ეპისკოპოსი (მეუფე პავლე) აქტიურობს საეკლესიო-დამწერლობო სარბიელზე. მაშ, იქნებ მითხრათ, როგორ არის შესაძლებელი ერთმა ეპისკოპოსმა და რამოდენიმე მედავითნემ (ცხადია, ასევე რამოდენიმე ერისკაცის ჩათვლით) გააბათილოს თქვენი ეკლესიის სწავლება, რომელსაც ჰყავს ათეულობით ეპისკოპოსი, ასეულობით მღვდელი და ათასობით კლერიკოსი თუ ერისკაცი?
 
ჩანს პანიკას შეუპყრიხართ... თუმცა, მინდა დაგამშვიდოთ, მიუხედავად მძაფრი პოლემიკისა, ჩვენი მხარე თქვენს მხარეში კარგი თვისებების დანახვასაც ცდილობს და მეგობრულ კავშირებსაც ამყარებს... ასე, რომ დამშვიდდით...
 
დაიჯერეთ, ჩვენ თქვენი მეგობრები ვართ და არა მტრები... ჩვენ ქართველები ვართ და გვინდა საქართველოში მართლმადიდებლობა და სიყვარული იმარჯვებდეს და არა მტრობა და ერესი.
 
(agmsarebeli. ციტატა): "სახელად რაც გინდა ერქვას, ვინც ამტკიცებს, რომ ახლანდელი ჩვენი ეკლესიის ფორმები, გარეგანი თუ შინაგანი, არასწორია და ცდილობს თავისი დაამტკიცოს ეს ეს არის გაბათილების მცდელობა".
 
ერთმა რუსმა მეცნიერმა (თუ არ ვცდები, ე. გოლუბინსკიმ), როდესაც თავის პასუხს წერდა ვინმე მღვდელ ვინოგრადოვს თითების წყობასთან დაკავშირებით, თქვა, რომ ძნელიაო საუკუნეების განმავლობაში შეგუებული აზრის შეცვლა, მაგრამ თუკი ისტორიული ფაქტები საპირისპიროს ადასტურებენ, ობიექტურობა და ჭეშმარიტების ერთგულება გვავალდებულებსო, რომ შევიცვალოთ დამკვიდრებული აზრი და სწორი მივიღოთ (ჩემი სიტყვებით გწერთ ამას. ზუსტი ციტატა ახლა ხელთ არ მაქვს).
 
განა მეცნიერულ დავაში ასე არ არის? განა თქვენს პრაქტიკაში არაფერი აღუდგენიათ ძველი საეკლესიო გადმოცემებიდან? თუ აღუდგენიათ, განა ეს "გაბათილებაა"?
 
ჩემო მეგობარო, არ გეწყინოთ, მაგრამ თქვენ საკმაოდ სტერეოტიპულად მსჯელობთ, შინაგანად განიცდით ზიზღს ძველმორწმუნეთა მიმართ, გგონიათ ისინი საქართველოს და თქვენი ეკლესიის მტრები... და კიდევ გსურთ დამარწმუნოთ, რომ ცოცხალ დიალოგში სიმშვიდეს დაიცავთ და გონებადამჯდარ მსჯელობას შეძლებთ... მერწმუნეთ, თქვენზე მეტი გამოცდილება გვაქვს ცოცხალ პოლემიკებში, რომელიც გვათქმევინებს, რომ ძველმოწესეების წინააღმდეგ თქვენსავით დამუხტულ ადამიანებს მშვიდი და თანამიმდევრული მსჯელობის შენარჩუნება ბოლომდე არ ძალუძთ... არ მიწყინოთ... მაგრამ ეს ასეა.
 
(agmsarebeli. ციტატა): "დავუშვათ, თქვენი ვირწმუნეთ, სად წავა ჩვენი მოსაზრებები? ორივე ერთად იარსებებს? ანუ უნდა გაბათილდეს, გაქრეს, აღიხოცოს....აი, ამას ვგულისხმობ მე".
 
ჩვენსას ხომ მხოლოდ მაშინ ირწმუნებთ, როცა დარწმუნდებით, რომ ის რასაც ჩვენ გთავაზობთ მართლმადიდებლურია... განა ჩვენი ავტორიტეტით ვამტკიცებთ ამას? განა საერთო ავტორიტეტებით არ ვსარგებლობთ? მაშ, რა გინდათ მითხრათ, რომ მართლმადიდებლობაც რომ შემოგთავაზოთ, მაინც თქვენი ახლანდელი პრაქტიკის მიმდევარი გინდათ იყოთ? მიუხედავად იმისა, ცთომილია ის თუ არა? - ეს ხომ დემაგოგიაა... და როგორ გინდათ ცოცხალ დიალოგზე მობრძანდეთ და მშვიდად გვესაუბროთ?
 
(agmsarebeli. ციტატა): "კიდევ ვიმეორებ, მოცემულ მომონტში ჩემში არავითარი აგრესია არაა და არც შეხვედრისას იქნება.შენი სიტყვით გამოდის, რომ ფიზიკური შეხლა-შემოხლა გაფიქრებს. ხმალს და ხანჯალს არ ვატარებ".
 
ღმერთმა ქნას. ფიქრით კი მაფიქრებს, სწორს ამბობ. ჩვენ ვინმეს კი არა, უაზრო და ძმათა შორის კონფლიქტს გავურბივართ... ჩვენ გვსურს დაახლოება ყველა მართლმადიდებელ ქრისტეანთან, მაგრამ სამწუხაროდ, ჩვენთან დაახლოება ყველას როდი სურს... ჩვენ დაუცველი და ღარიბი საზოგადოება ვართ... ჩვენ ვუფრთხილდებით ჩვენს სახელსაც და ავტორიტეტსაც... ჩვენ არავინ გვიცავს მთავრობაში, პრესაში, საზოგადოებაში... ჩვენზე მხოლოდ სტერეოტიპებით მსჯელობენ... ჩვენ მხოლოდ ღმრთის ანაბარა ვცხოვრობთ... და დამერწმუნეთ, ეს ასეა... ვინც ჩვენ გვიცნობს მან კარგად იცის ჩვენი ყოფა და ხასიათი... პრინციპულები ვართ, მაგრამ არა უსიყვარულონი...
 
ერთმა ახალგაზრდამ, თქვენი ეკლესიის წევრმა, მაგრამ ჩვენი ეკლესიის მედავითნეების მეგობარმა, რომელიც ერთ ერთ წვეულებაზე დაჰპატიჟეს, ჩაატარა ასეთი ექსპერიმენტი. თავის ძმაკაცებს (ცხადია, თქვენი ეკლესიის წევრებს) განუცხადა "სტაროვერებთან" გადავედიო... თურმე აინტერესებდა როგორი რეაქცია ექნებოდათ მისთვის ყველაზე ძვირფას და ახლობელ ადამიანებს, თუკი შეიტყობდნენ მის შესახებ, რომ ძველმოწესეა. და როგორ ფიქრობთ, რა შედეგი მიიღო?... მოგვიანებით, მან გაკვირვებულმა და გულდაწყვეტილმა აღიარა ჩვენი ეკლესიის მედავითნეების, თავისი მეგობრების წინაშე, რომ არასოდეს უგრძვნია ასეთი აგრესია და სიძულვილი... ადამიანები, რომლებიც სულ ახლახან ძმობას ეფიცებოდნენ, უეცრად შეიცვალნენ, განუდგნენ, სიტყვიერი შეურაცხყოფაც მიაყენეს და კარგადაც გამოლანძღეს...
 
მაინტერესებდაო, უთქვია ამ ახალგაზრდას, რას განიცდით თქვენ ძველმოწესეები, გარშემომყოფი საზოგადოებისგან...
 
დაინტერესდა და იგრძნო... იგრძნო და მუხლი მოიყარა ჩვენი ძმობის წინაშე და თქვა, რომ მას ამის ატანა არ ძალუძს... ის ისევ დარჩა თქვენ ეკლესიაში, მაგრამ მეტი პატივისცემით განიმსჭვალა ჩვენს მიმართ... მან იცის, რომ ჩვენ მართლმადიდებლები ვართ და თანაგვიგრძნობს...
 
ყოველივე ამას იმიტომაც გიყვებით, რომ, სამწუხაროდ, თქვენც იმ ადამიანთა კატეგორიას განეკუთვნებით, რომელთაც ჩვენი სახელის გაგონებაც კი აშფოთებთ... ძნელია ჩვენი შეხვედრა და მშვიდი საუბარი ჩემო მეგობარო...
 
(agmsarebeli. ციტატა): "მაშინ აქაც უნდა ერიდო საუბარს, თუკი ასეთი აგრესიული ვარ".
 
პირდაპირი და ცოცხალი დიალოგისგან განსხვავებით, წერისას ემოციების დაოკება უფრო ადვილია, რადგან პასუხი შეიძლება დამშვიდების მერეც დაწერო...
 
მოკლედ, აღმსარებელო, კარგი ყმაწვილი ჩანხარ, მართლმადიდებლობის ერთგული, მაგრამ მოდი ცოტა უფრო ახლოს გაიცანი ძველმოწესეობა... წაიკითხე წიგნები, გაეცანი საიტებს... და ნახავ, ჩვენთან შეხვედრა და დაახლოების სურვილი უფრო გაგიადვილდება... ახლა შენ ომი გწყურია, რადგან შენი მხარის, შენის რწმენით, მართლმადიდებლობის დაცვით ხარ გულანთებული... გვესმის, შენი მხრიდან ბუნებრივი მდგომარეობაა, მაგრამ ჩვენიც უნდა გაიგო, ჩვენც ასე ვართ...
 
ასე რომ, მოდი არ ვიჩქაროთ...
 
პატივისცემით, "ძველმართლმადიდებლი" (იგივე "ოლბელივერის") პროექტის ერთ ერთი წევრი.
 
P. S. სიტყვა "პროექტი" ნუ შეგაშინებთ, ეს პირობითი ტერმინია... ჩვენ გვქონდა იდეა, ერთი სახელით გვემუშავა რამდენიმე ქრისტეანს... ყველას არა აქვს კომპიუტერი და ყველამ არ იცის ბეჭდვა... ამიტომაც, ერთმანთს ვეხმარებით და ჩვენს შეხედულებებს, რომელიც სარწმიოებრივ საკითხებში არ განსხვავდებიან, ერთი ტერმინის, ჩვენთვის ძვირფასი "ძველმართლმადიდებელის" სახელით ვაქვეყნებთ.
 
ეს არის და ეს!
 
agmsarebeli: 1) ჩვენ თუკი რამე შეცვლილა ჩვენში, ეს მოხდა საეკლესიო კრების ძალით და მისვე წიაღში და რა თქვენი ან ვინმე ეკლესიის გარეთმყოფი ადამიანებისაგან.
 
2) მე და მითუმეტეს ეკლესიას არ ეშინია არც თქვენი და არც არავისი, რადგან კლდესა ზედა ვდგავბართ.
 
3) პირდაპირი კითხვა:ეხება თუ არა ჩემი ცხონება არ ცხონების სამქეს ეს გარეგნული წესები? თუ ეხება, ესეგი ეს ჩვეულებრივი გარეგნული წესი კი არაა, გადამრჩენელი ძალის მქონე აუცილებლობა. თუ არ ეხება, მაშინ რას გვერჩით, თქვენ თქვენი წესით ილოცეთ, ჩვენ ჩვენი წესით.
 
4)...რასაც თქვენ გვთავაზობთ მართლმადიდებლურია, ესეგი რასაც ჩვენ ვიცავთ არაა მართლმადიდებლური და თუკი თქვენი ვირწმუნეთ, ჩვენი უნდა დავტოვოთ, ანუ მაინც ბათილდება და რა ვქნა.
 
5) შენ ვერ გეცოდინება ჩმი გულის ამბები და ამიტომ ნუ ისაუბრებ ჩმს განცდებზე.
 
6) მოყვანილ მაგალითს რაც შეეხება, არ ვიცი რა ვუწოდო, სამი ან რამდენიმე ქრისტიანის სისუსტის გამო მთელი ჩვენი მორწმუნეების დადანაშაულება სიძულვილში. მე ათას მაგალით გეტყვით სიყვარულისას, რომელიც გააბათილებს თქვენსას და ეს სულაც არ ნიშნავს, რომ ჩვენში ყველა მოსიყვარულეა ადამიანებისა, თუნდაც შემცოდეებისა. ჩემთვის სულ ერთია ვინ იქნება ჩვენი წესების ავადმახსენებელი, თქვენ თუ სხვანი, პასუხი ერთია ყველას მიმართ.
 
7) დიალოგი იმისთვის მჭირდება, რომ ჩვენი ეკლესიის სწავლების სიმართლე განგიმარტოთ შეძლებისდაგვარად, რომ მერე აქ ჯიუტად აღარ ამტკიცოთ თქვენი აზრები.
 
რავი თუ აგრესია გაშინებთ, თქვენს შერჩეულ ადგილზე მოვალ მარტო, სადაც ფიზიკური შესაძლებლობაც არ მექნება აგრესიისთვის, რომ აღარაფერი ვთქვათ სულიერ განწყობაზე აგრესიისა.
 
8) რაც შეეხება ჩემს ცოდნას, სასცილოა წიგნების ჩამოთვლა დავიწყო, ეს მაქვს წაკითხული და ისაო... გასაოცარია, თითქოს საბავშო ბაღის მოსწავლეს ესაუბრები, ან შენ ხარ ასაკით დიდი და ასეთი მოზრდილის ტონი ბუნებრივად გიჭირავს ან მე პატარად მიგაჩნივარ... ისიც იცოდე, რომ აქაც შეიძლება აგრესიულად ვწერო, ასე რომ შეხვედრა... თუ არადა მე მომიწევს შენივე სიტყვების განმეორება: ჯერ წიგნები იკითხე და ა.შ. და მერე შევხვდეთო.
 
murzaqan: ძველმართლმადიდებელო, ბიძა მყავს სტარავერი და ასეთი თავისნათქვამა კაცის პოვნა ძნელია!
 
პიეტიზმია ამ ჯგუფის ცალკე ყოფნის მიზეზი. ჯერ არ მახსოვს რაიმე ჩემთვის სულიერად ღირებული მომენტი ყოფილიყო თქვენი ჯგუფის არგუმენტაციაში. მთელი დისკუსია "უსტავის" დეტალებს შეეხება. მამა გაბრიელს ყავს წყალდასხმით მონათლული ადამიანი ნანუგეშები, -შენ ნუ გეშინია აი, რამხელა (ნათლობის)ანგელოზი გიდგას გვერდითო. ფორმალურ არგუმენტებთან ერთად (და უგფრო მეტადაც) ეს მომენტიც მიჩვენებს ამ განდგომის უსაფუძვლობას. შენც და ჩემს საყვარელ ბიძასაც მთელი გულით გისურვებთ თქვენი სიმედგრე სულიერ შრომაში გამოგეყენებინოთ და არა იმაში, რაშიც ახლა ხარჯავთ.
 
ძველმართლმადიდებელი. (murzaqan. ციტატა): "ბიძა მყავს სტარავერი და ასეთი თავისნათქვამა კაცის პოვნა ძნელია!"
 
ვერ გავიგე რას გულისხმობთ.
 
(murzaqan. ციტატა): "პიეტიზმია ამ ჯგუფის ცალკე ყოფნის მიზეზი".
 
"პიეტიზმი" ლათინური სიტყვაა და "ღვთისმოსაობას" ნიშნავს (ლათ. pietas ღვთისმოსაობა. იხ. უცხო სიტყვათა ინტერნეტ ლექსიკონი. http://www.nplg.gov.ge/gwdict/index.php?a=term&d=3&t=30950). თანაც ეს ერთ ერთი მიმართულება ყოფილა ლუთერანიზმში. თუ პირველს გულისხმობთ, რომ ჩვენი "ცალკე ყოფნის მიზეზი" არის ღვთისმოსაობა, რას გვერჩით? და თუ მეორეს, ანუ ლუთერანულ მიმართულებას, იქნებ გაგვარკვიოთ ლუთერანობის მსგავსი რა შენიშნეთ ძველმართლმადიდებლობაში? ამგვარი შედარება, სიმართლე გითხრათ, პირველად მესმის.
 
(murzaqan. ციტატა): "ჯერ არ მახსოვს რაიმე ჩემთვის სულიერად ღირებული მომენტი ყოფილიყო თქვენი ჯგუფის არგუმენტაციაში. მთელი დისკუსია "უსტავის" დეტალებს შეეხება".
 
ბ-ნო მურზაყან, ვისთვის რა წარმოადგენს "სულიერად ღირებულ მომენტს" და ვისთვის რა. თქვენი კერძო გემოვნება, ცხადია, ვერ გამოდგება ძველმორწმუნეთა კი არა, ნებისმიერი სხვა აღმსარებლობის შეფასების კრიტერიუმად. ჩვენ კერძო გემოვნებების მიხედვით კი არ ვარჩევთ აღმსარებლობას, არამედ დიდი რჯულისკანონის მიხედვით, წმიდა მამათა სწავლებათა შუქზე ვარჩევთ მაცხოვნებელია თუ არა ესა თუ ის სწავლება.
 
რაც შეეხება თქვენს შეხედულებას, რომ ძველმორწმუნეთა მთელი დისკუსია მხოლოდ ""უსტავის" დეტალებს შეეხება", რბილად რომ ვთქვათ, მეტად ღიმილისმომგვრელია. როგორც ჩანს, თქვენ ძველმორწმუნეთა მხოლოდ იმ თხზულებებს გაცნობიხართ, სადაც შესაძლოა მართლაც "უსტავზე" ყოფილიყო დავა. ისე, თუ იცით "უსტავი" რა არის? და რა მნიშვნელობა აქვს მას ლიტურგიკულ პრაქტიკაში?
 
(murzaqan. ციტატა): "მამა გაბრიელს ყავს წყალდასხმით მონათლული ადამიანი ნანუგეშები, - შენ ნუ გეშინია აი, რამხელა (ნათლობის) ანგელოზი გიდგას გვერდითო".
 
დაუღუპია "მამა" გაბრიელს ეს ადამიანი!
 
ის ანგელოზი, "მამა" გაბრიელმა რომ ნახა, ნამდვილად ნათლის ანგელოზი იყო? თუ "მამა" გაბრიელისთვის მნიშვნელობა არა აქვს, ნათლის ანგელოზი გამოეცხადება კაცს, თუ ეშმაკი ნათლის ანგელოზის სახით?
 
აქედანაც ჩანს, რომ თქვენ საერთოდ უგულებელყოფთ რჯულიერ, სახარებისეულ მიდგომას არა თუ საეკლესიო სწავლებების შერჩევაში, არამედ ქრისტეანულ ცხოვრებაში. გირჩევთ ყურადღებით წაიკითხოთ წმიდა ასკეტ მამათა დარიგებანი დემონურ "გამოცხადებათა" შესახებ და უფრო ფრთხილი იყოთ ამგვარი განცხადებებისადმი.
 
(murzaqan. ციტატა): "ფორმალურ არგუმენტებთან ერთად (და უფრო მეტადაც) ეს მომენტიც მიჩვენებს ამ განდგომის უსაფუძვლობას".
 
ანუ, თქვენ გინდათ თქვათ, რომ მამა გაბრიელის მოჩვენება გარწმუნებთ ძველმორწმუნეთა "განდგომილებაში"? ვავა! დავიღუპეთ "სტარავერები", ეს რამხელა "არგუმენტი" დაგვიმოწმე!
 
(murzaqan. ციტატა): "შენც და ჩემს საყვარელ ბიძასაც მთელი გულით გისურვებთ თქვენი სიმედგრე სულიერ შრომაში გამოგეყენებინოთ და არა იმაში, რაშიც ახლა ხარჯავთ".
 
თქვენი საყვარელი ბიძა სწორად იყენებს თავის სულიერ სიმედგრეს, რადგან ჯერ ერთი, თქვენგან განსხვავებით ფულს არ იხდის საეკლესიო მომსახურეობებისთვის; და მეორეც, საკუთარ თავს არ ანდობს ადამიანებს, რომლებსაც უგულებელუყვიათ რჯულისკანონი. თქვენ კი გისურვებთ უფრო სერიოზულად მოეკიდოთ ბიძასაც და მართლმადიდებლურ განწესებებსაც, რომელთაც, დარწმუნებული ვარ არაფრად აგდებთ.
 
afxazi (ძველმართლმადიდებელი. ციტატა): "დაუღუპია "მამა" გაბრიელს ეს ადამიანი! ის ანგელოზი, "მამა" გაბრიელმა რომ ნახა, ნამდვილად იყო კი ნათლის ანგელოზი? თუ "მამა" გაბრიელისთვის მნიშვნელობა არა აქვს, ნათლის ანგელოზი გამოეცხადება კაცს, თუ ეშმაკი ნათლის ანგელოზის სახით?"
 
ამ ფრაზას ცალკე გამოვყოფ, ყოველგვარი კომენტარის გარეშე. კომენტარის გაკეთებას სხვებს დავუთმობ.
 
ძველმართლმადიდებელი (afxazi. ციტატა): "ამ ფრაზას ცალკე გამოვყოფ, ყოველგვარი კომენტარის გარეშე. კომენტარის გაკეთებას სხვებს დავუთმობ".
 
კეთილი. ოღონდ, ამ სიტყვების კომენტატორს ვთხოვ დაგვარწმუნოს მამა გაბრიელის "წმინდანობაში" და იმაშიც, რომ შეუძლებელი იყო მას გამოცხადებოდა ბოროტი ანგელოზი ნათლის ანგელოზის სახით! თუ თქვენ ეს შეუძლებელი გგონიათ?
 
afxazi. ვნახოთ აბა რას იტყვიან.
 
(ძველმართლმადიდებელი. ციტატა): "ანუ, თქვენ გინდათ თქვათ, რომ მამა გაბრიელის მოჩვენება გარწმუნებთ ძველმორწმუნეთა "განდგომილებაში"? ვავა! დავიღუპეთ "სტარავერები", ეს რამხელა "არგუმენტი" დაგვიმოწმე!"
 
აი ამას კი ცინიზმი ქვია.
 
ძველმართლმადიდებელი (agmsarebeli. ციტატა): "1) ჩვენ თუკი რამე შეცვლილა ჩვენში, ეს მოხდა საეკლესიო კრების ძალით და მისვე წიაღში და რა თქვენი ან ვინმე ეკლესიის გარეთმყოფი ადამიანებისაგან"
 
მომიტევე, მაგრამ ვერ გავიგე რისი თქმა გსურს...
 
(agmsarebeli. ციტატა): "2) მე და მითუმეტეს ეკლესიას არ ეშინია არც თქვენი და არც არავისი, რადგან კლდესა ზედა ვდგავბართ".
 
და ვინ გაშინებთ, თუ ძმა ხარ?!
 
(agmsarebeli. ციტატა): "3) პირდაპირი კითხვა: ეხება თუ არა ჩემი ცხონება არ ცხონების სამქეს ეს გარეგნული წესები? თუ ეხება, ესეგი ეს ჩვეულებრივი გარეგნული წესი კი არაა, გადამრჩენელი ძალის მქონე აუცილებლობა. თუ არ ეხება, მაშინ რას გვერჩით, თქვენ თქვენი წესით ილოცეთ, ჩვენ ჩვენი წესით".
 
საპირისპირო კითხვას დაგისვამ: რატომ მიიღეს წმიდა მამებმა ეს წესები და განწესებები, რატომ შეიწუხეს თავი? რატომ მოიწვიეს კრებები და რატომ შეალიეს მთელი თავიანთი ენერგია მათ დაცვას და ქადაგებას? თუ თქვენი აზრით, ეს წესები საერთოდ არ არის საჭირო, წმიდა მამებს სიზიფეს შრომა გაუწევიათ (ღმერთო, მომიტევე!).
 
(agmsarebeli. ციტატა): "რას გვერჩით, თქვენ თქვენი წესით ილოცეთ, ჩვენ ჩვენი წესით".
 
ვინ რას გერჩის კაცო?! ილოცე როგორც გინდა, ვინ გიშლის?! გადამრევ შენ მე! მე ჩემსას ვამბობ და თუ გინდა ნუ მიიღებ, ძალაა?
 
(agmsarebeli. ციტატა): "4)...რასაც თქვენ გვთავაზობთ მართლმადიდებლურია, ესეგი რასაც ჩვენ ვიცავთ არაა მართლმადიდებლური და თუკი თქვენი ვირწმუნეთ, ჩვენი უნდა დავტოვოთ, ანუ მაინც ბათილდება და რა ვქნა".
 
ჰო, ეგ ეგრეა. რაღაც საკითხებში ეგრეა (მაგ. წყალგადავლებით "ნათლობაში", პირჯვრისწერის საკითხებში და ა. შ.). რა ვქნათ, ჩვენთან მოსულ ადამიანს მოუწევს ამ ცუდი ჩვეულებების დატოვება, ხოლო ვისაც არ სურს ჩვენთან ერთობა, მას ღმერთმა უშველოს.
 
(agmsarebeli. ციტატა): "5) შენ ვერ გეცოდინება ჩმეი გულის ამბები და ამიტომ ნუ ისაუბრებ ჩმეს განცდებზე".
 
არ ვიცი, შენი გულის ამბებზე როდის გესაუბრე, როდის შევეცადე გულთამხილავი ვყოფილიყავი, მაგრამ თუ ჩემდა უნებლიედ რამე ამდაგვარი გამოვიდა ჩემი და შენი ურთიერთობიდან, მომიტევე... ვცდილობ დავიცვა ტაქტი და გული არ გატკინო...
 
(agmsarebeli. ციტატა): "6) მოყვანილ მაგალითს რაც შეეხება, არ ვიცი რა ვუწოდო, სამი ან რამდენიმე ქრისტიანის სისუსტის გამო მთელი ჩვენი მორწმუნეების დადანაშაულება სიძულვილში. მე ათას მაგალით გეტყვით სიყვარულისას, რომელიც გააბათილებს თქვენსას და ეს სულაც არ ნიშნავს, რომ ჩვენში ყველა მოსიყვარულეა ადამიანებისა, თუნდაც შემცოდეებისა".
 
შენ ვერ გაიგე... მაგალითი მოტანილი იყო არა იმისთვის, რომ ადამიანთა ერთი ჯგუფის მიხედვით გვემსჯელა ყველაზე, არამედ იმისთვის, რომ გცოდნოდათ, ასეთი ფაქტებიც არსებობს და უმეტესწილად, როდესაც ჩვენზე გაიგებენ, რომ ძველმართლმადიდებლები ვართ; რომ არ ვართ პატრიარქთან და ოფიციალურ ეკლესიასთან ევქარისტულ ერთობაში სახე ეცვლებათ... რა ვქნა, აღმსარებელ, ასეა და...
 
(afxazi. ციტატა): "აი ამას კი ცინიზმი ქვია".
 
ადამიანს, რომელსაც საკუთარი ბიძის ლანძღვა არ ეთაკილება ასე სახალხოდ, სხვაგვარად ვერ ავუხსნი... მაგას არც კანონიკის შემეცნების სცხია რამე, არც დოგმატიკის და არც ქრისტეანობისა საერთოდ... მაგ ადამიანს, საკუთარი "ღირებულებებით" უყვარს ლაპარაკი... და როგორია მისი "ღირებულებები"? მოგწონს?
 
ძველმართლმადიდებელი
 
 
"ვაი მას, ვისგანაც ცდუნება მოვა!"
 
ერთ ერთ წინა პოსტში ედიშერ ჭელიძის წიგნს "ეკლესია - სძალი უფლისა" (რომელიც აწ გარდაცვლილ ზ. ნარმანიასა და ეპისკოპოს იონას (მურთაზ ჩახავას) საპასუხოდ დაიწერა), მე არაობიექტური ვუწოდე, რის გამოც "აღმსარებლის" ასეთი შენიშვნა დავიმსახურე: "ბატონი ედიშერის წიგნს არაობიექტურს უწოდებ, რაც არასწორია და ის ნამდვილად სუბიექტური შეფასებაა. აქ ადვილია თავის დაძვრენა, სიტყვების ცვლა და თამაში". მე ვუპასუხე, რომ თავის დასაძვრენი არაფერი გვჭირს და თუ რამეს არაკორექტულს ვუწოდებთ, იქვე ვუთითებთ საფუძვლებს. რაზეც "აღმსარებელმა" მიპასუხა, რომ ჩვენი საფუძვლები თურმე "ობიქტური არაა" (იხ. მისი პოსტი # 125).
 
აფხაზთან მიმოწერაში დავდე ლინკი, სადაც ედ. ჭელიძის არაობიექტურობის მამხილებელი ნიმუშიც დევს (ანუ, თუ როგორ უსინდისოდ აბრალებს ედ. ჭელიძე მურთაზ ჩახავას მეტემფსიქოზის ქადაგებას. იხ. არქიეპ. პავლე. "ვიდრე ჰხუალ... მორწმუნეო". თ. 2. "სიზმრად ნანახი რეინკარნაცია". http://www.oldorthodox.ge/apl_vidre_hxual_2.html
 
მკითხველს შეუძლია თვითონ განსაჯოს არის თუ არა ჩემი კრიტიკის საფუძვლები ობიექტური.
 
afxazi: ძველმართლმადიდებელო მოდი ეხლა ასე მოვიქცეთ: ფორუმი ზედმეტად გადაავსე თქვენი საიტის სტატიებით. შესაბამისად იქამდე სანამ ხელთ არ მექნება ედიშერ ჭელიძის სტატია აღნიშნულ თემაზე, გთხოვ ამ სტატიების დადებისგან თავი შეიკავო. მოვიძიებ იმ ნაშრომს, დავდებ და მკითხველმა გააკეთოს შეფასება. მანამდე კი მეგობრულად გთხოვ ცოტა გაჩერდე.
 
agmsarebeli. პასუხის პასუხი:
 
1) შენ თქვი, რომ ჩვენში ადრეც შეცვლილა რაღაც ტრადიციები. რაშიც გეანხმები, მაგრამ ეს მოხდა საეკლესიო კრების ძალით და არა ეკლესიის გარეთ მდგომი პირების მითითებით. თან ისე, რომ არსი არ შეცვლილა.
 
2) შენი სიტყვებია, რომ თითქოს ჩვენ გვეშინია, მე კი საპირისპირო გითხარი. გადახედე შენს პოსტებს.
 
3) მე პასუხს ველოდი, საპირისპირო კითხვას კი არა. მე გიპასუხებ, მას შემდეგ, რაც შენგან მივიღებ პასუხს. მომიტევე, მაგრამ არის თუ არა ეს ფაქტი თავის დაძვრენის მცდელობა?! ველი პასუხებს.
 
4) აჰა, ახლა აღარ გვრჩით ხომ?!
 
5) რაღამც აღიარე რომ ცდილობთ ჩვენი წესების გაბათილებას მაინც კარგია (შენი სიტყვებია - ჰო, ეგ ეგრეა!).
 
6) ჩემი გულის ამბებზე და გრძნობებზე მაშინ მესაუბრე, როცა ვიღაც სტიქაროსნის თუ მედავითნის მეგობრებთან გამაიგივე, როგორც ზიზღით აღვსილი. თან ამ მაგალითი გინდოდა გეჩვენებინა, ნახეთ, ვინც მართლმადიდებლობას იჩემებს როგორი უსიყვარულოა მოყვასის მიმართო, და ჩვენ კი დევნული და შეიწრებულნი, როგორი მოსიყვარულენიო, იმ ზომამდეც კი, რომ თაყვანისცემა დაიმსახურეთ ხსენებული, შეურაცხყოფილი მედავითნისგან.
 
მეც მეცვლება სახე, მაგრამ ეს სულაც არ ნიშნავს რომ ზიზღს განვიცდი შემცოდე და უძღები შვილის მიმართ. იქნებ მისი ეს ტრაგედია მადარდებს. თუ გულთმისნობას არ დაიჩემებ, დამეთანხმე რომ ეს ასეა.
 
შენგან ეპისკოპოსდ სახელდებული და ევქარისტიულ კავშირგაწყვეტილი მურთაზ ჩახავა ნამდვილად ილაშქრებდა ჩვენი ეკლესიიის ცხოველსმყოფელი და სათნო ტრადიციების მიმართ. იქამდეც კი მივიდა მისი კადნიერება, რომ ჩვენი უწმინდესი ათონელი მამები შეურაცხყო თავისი ამ წიგნით.
 
თუ თქვნც არ იზიარებდით მაშინ ან ახლა არ იზიარებთ იმ წიგნში მის მიერ დაწერილ სრულ სიცრუეს, რატომ წერილობით არ დაგმეთ ეს?
 
ამიტომ მე როცა ვახსენებ მურთაზ ჩახავას ვაიგივებ მას ყველა "ძველთან", ხოლო თუ ვცდები, მაშინ ერთი რამე გააკეთეთ, დაგმეთ მისი ეს წიგნი!
 
მე ისევ ვამახვილებ შეხვედრის აუცილებლობაზე ყურადღებას.
 
ჯობია მკითხველი ცოცხლად დარწმუნდეს, რასთან აქვს საქმე.
 
ბატონ ედიშერის აუგად ხსენებს შეეშვი!
 
იმასაც აბრალებდი ბატონ ედიშერს წმინდა იოანე ოქროპირის სწავლების თარგმანი ხელნაწერის სახით არასწორად მოიტანაო, როცა თანამედროვე თარგმანს უდარებდი. მაშინ გთხოვეთ ერთად გვენახა ხელნაწერთა ცენტრში ხსენებული ადგილი წმინდა იოანე ოქროპირის სწავლებისა, მაგრამ თქვენგან უარი მივიღე. ახლა ხალხმა განსაჯოს ვინაა ობიექტური: ბატონი ედიშერი თუ თქვენ, ვინ ცდილობს კითხვებს გაექცეს და ა. შ.
 
ძველმართლმადიდებელი. (agmsarebeli. ციტატა): "შენ თქვი, რომ ჩვენში ადრეც შეცვლილა რაღაც ტრადიციები. რაშიც გეტანხმები, მაგრამ ეს მოხდა საეკლესიო კრების ძალით და არა ეკლესიის გარეთ მდგომი პირების მითითებით. თან ისე, რომ არსი არ შეცვლილა".
 
რუსეთის საეკლესიო რეფორმის საქმეს, აღმსარებელ, სათავეში სწორედ ეკლესიის გარეთ მდგომი ადამიანები აღასრულებდნენ. მარტო ის ფაქტი რად ღირს, რომ 1667 წლის კრებას თავმჯდომარეობდა ღაზის პატივაყრილი და ყოფილი მიტროპოლიტი, ნამდვილი იეზუიტი, პაისი ლიგარიდი. იყვნენ სხვა ერეტიკოსებიც, უნიატებიც და უბრალოდ ეკლესიის შიგნით მოკალათებული მართლმადიდებლობის გამყიდველები. ამ საკითხებზე ჩვენს საიტზეც დევს მცირედი მასალა და ზღვა მასალაა ინტერნეტსა და ბიბლიოთეკებში. მე ამიტომაც გირჩიე უკეთ შეგესწავლა ეს საკითხი. შენ კი გეწყინა.
 
(agmsarebeli. ციტატა): "შენი სიტყვებია, რომ თითქოს ჩვენ გვეშინია, მე კი საპირისპირო გითხარი. გადახედე შენს პოსტებს".
 
ჩემი სიტყვები შენი სიტყვების ლოგიკური გაგრძელება იყო. შენ ამბობდი, რომ თითქოსდა ჩვენ, მცირერიცხოვან ძველმოწესეებს თქვენი ეკლესიის და მართლმადიდებლური სწავლების "გაბათილება" გვინდა. მე გითხარი ის, რაც გითხარი.
 
(agmsarebeli. ციტატა): "მე პასუხს ველოდი, საპირისპირო კითხვას კი არა. მე გიპასუხებ, მას შემდეგ, რაც შენგან მივიღებ პასუხს. მომიტევე, მაგრამ არის თუ არა ეს ფაქტი თავის დაძვრენის მცდელობა?! ველი პასუხებს".
 
შენ მკითხე: "ეხება თუ არა ჩემი ცხონება არ ცხონების საქეს ეს გარეგნული წესები? თუ ეხება, ესეგი ეს ჩვეულებრივი გარეგნული წესი კი არაა, გადამრჩენელი ძალის მქონე აუცილებლობა". თუ ნათლისღების საიდუმლოზე და სხვა საეკლესიო საიდუმლოებს ვიგულისხმებთ, მაშინ კი. ადამიანის და მათ შორის, შენი ცხოვნების საქმე, პირდაპირ არის დამოკიდებული საეკლესიო საიდუმლოთა სწორ შესრულებაზე, ხოლო "სწორი და წესიერი შესრულება საიდუმლოსი ის არის, - როგორც ამას თქვენი ეკლესიის მიერ გამოცემული კატეხიზმო ასწავლის, - რომ შესრულების დროს დაცულ იქმნას ყოველივე მოთხოვნა აღმასრულებელისა და თვით აღსრულების შესახებ" (იხ. სახელმძღვანელო მართლმადიდებელი ეკლესიის კატეხიზმოს შესასწავლად. თბილისი 1990 წ.).
 
(agmsarebeli. ციტატა): "აჰა, ახლა აღარ გვრჩით ხომ".
 
არც არასოდეს გერჩოდით, სულ პირიქით იყო ყოველთვის.
 
(agmsarebeli. ციტატა): "რაღამც აღიარე რომ ცდილობთ ჩვენი წესების გაბათილებას მაინც კარგია".
 
თქვენს წესებს ჩვენ კი არ ვაბათილებთ, არამედ საერთოდ არ ვცნობთ... თქვენ დაიტოვეთ თუ გნებავთ... ასე, რომ "გაბათილება" აქ ცოტა არ იყოს არაზუსტად ჟღერს.
 
(agmsarebeli. ციტატა): "ჩემი გულის ამბებზე და გრძნობებზე მაშინ მესაუბრე, როცა ვიღაც სტიქაროსნის თუ მედავითნის მეგობრებთან გამაიგივე, როგორც ზიზღით აღვსილი. თან ამ მაგალითი გინდოდა გეჩვენებინა, ნახეთ, ვინც მართლმადიდებლობას იჩემებს როგორი უსიყვარულოა მოყვასის მიმართო, და ჩვენ კი დევნული და შეიწრებულნი, როგორი მოსიყვარულენიო, იმ ზომამდეც კი, რომ თაყვანისცემა დაიმსახურეთ ხსენებული, შეურაცხყოფილი მედავითნისგან".
 
არა, შენ არასწორად გაგიგია. შენი გაიგივება ვინმესთან აზრადაც არ მქონია. არც ის, რაც ამ აბზაცში დაწერე. მე სულ სხვა რამე ვთქვი. მე ზოგად დამოკიდებულებაზე გელაპარაკე.
 
(agmsarebeli. ციტატა): "მეც მეცვლება სახე, მაგრამ ეს სულაც არ ნიშნავს რომ ზიზღს განვიცდი შემცოდე და უძღები შვილის მიმართ. იქნებ მისი ეს ტრაგედია მადარდებს. თუ გულთმისნობას არ დაიჩემებ, დამეთანხმე რომ ეს ასეა".
 
გმადლობთ. მჯერა რომ გადარდებს. მეც მადარდებს თქვენი მდგომარეობა და განვიცდი ამას.
 
(agmsarebeli. ციტატა): "შენგან ეპისკოპოსდ სახელდებული და ევქარისტიულ კავშირგაწყვეტილი მურთაზ ჩახავა ნამდვილად ილაშქრებდა ჩვენი ეკლესიიის ცხოველსმყოფელი და სათნო ტრადიციების მიმართ".
 
მურთაზ ჩახავა ნამდვილად იყო ეპისკოპოსი. მას ხელი დაასხა პერმის ეპისკოპოსმა ლეონტიმ. მურთაზ ჩახავას, იგივე ეპისკოპოს იონას, თქვენც უნდა აღიარებდეთ ეპისკოპოსად, რადგან თუკი არამართლმადიდებლუი, მწვალებლური ეკლესიების იერარქებს თავიანთ რეგალიებში აღიარებთ და "უწმიდესებად" და "უნეტარესებად" მოიხსენიებთ (იხ. მაგ. 1987 წლის საეკლესიო კალენდარი), ძველმორწმუნეთა ეპისკოპოსებმა რა დააშავეს? რა პრინციპით არ აღიარებთ მათ, და აღიარებთ მონოფიზიტ, კოპტ, სომეხ გრიგორიანელ, ლათინელ და ანგლიკანელ ეპისკოპოსებს? განა ეს ლოგიკურია?
 
(agmsarebeli. ციტატა): "იქამდეც კი მივიდა მისი კადნიერება, რომ ჩვენი უწმინდესი ათონელი მამები შეურაცხყო თავისი ამ წიგნით".
 
მე არ ვიცი რომელ წიგნში შეურაცხყო ეპისკოპოსმა იონამ თქვენი ათონელი მამები და რაში გამოიხატება ეს შეურაცხყოფა.
 
(agmsarebeli. ციტატა): "თუ თქევნც არ იზიარებდით მაშინ ან ახლა არ იზიარებთ იმ წიგნში მის მიერ დაწერილ სრულ სიცრუეს, რატომ წერილობით არ დაგმეთ ეს?"
 
არ მესმის რაზეა ლაპარაკი. რაში გამოიხატება სიცრუე? რა არ დავგმე? რომელ წიგნს გულისხმობ?
 
(agmsarebeli. ციტატა): "ამიტომ მე როცა ვახსენებ მურთაზ ჩახავას ვაიგივებ მას ყველა "ძველთან", ხოლო თუ ვცდები, მაშინ ერთი რამე გააკეთეთ, დაგმეთ მისი ეს წიგნი!"
 
თუ მის რომელიმე წიგნში არის მწვალებლობა მე მას აუცილებლად დავგმობ. სხვათა შორის, ჩვენი ეკლესიის 2001 წლის კრებაზე, ეპისკოპოს იონასთან ევქარისტული კავშირი გაწყდა მისი წიგნ "რა უნდა ვაკეთოთ"-ში არსებული ცდომილებების გამო. ამ საქმეში დიდი წვლილი მიუძღვის არქიეპისკოპოს პავლეს. ეს მოვლენები მან ასახა ჩვენი ეკლესიის გაზეთ "მართლმადიდებელში", გარდა ამისა ერთ ერთ ნომერში მიმოიხილა ეპ. იონას ზოგიერთი სერიოზული ცდომილება და დაგმო კიდეც. მე და ჩემი მეგობრები, "მართლმადიდებელის" პროექტში მონაწილეები, არქიეპ. პავლეს მხარეს ვართ და ბუნებრივია, რომ რაც მან დაგმო, ჩვენც დავგმეთ. თუ სხვა რამეზეა ლაპარაკი მაშინ, დამიკონკრეტე თუ შეიძლება.
 
(agmsarebeli. ციტატა): "მე ისევ ვამახვილებ შეხვედრის აუცილებლობაზე ყურადღებას. ჯობია მკითხველი ცოცხლად დარწმუნდეს, რასთან აქვს საქმე".
 
ძალიან თავდაჯერებული ხარ. რატომ ფიქრობ, რომ როგორც კი შენ დაიწყებ ლაპარაკს ჩვენთან იმწამსვე გაგვინათდება გონება და შევინანებთ. ჩვენ იმდენი დავა და პოლემიკა გვქონდა, რომ უკვე ზეპირად ვიცით რა პრეტენზიებს წამოგვიყენებენ ახალი მოდავეები. ასე, რომ ძალიან ნუ აიწევი, ცოტა დაეშვი და ვითარებას რეალურად შეხედე.
 
(agmsarebeli. ციტატა): "ბატონ ედიშერის აუგად ხსენებს შეეშვი!"
 
აუგი ხსენება რა სათქმელია. კრიტიკა აუგად ხსენება არ არის. ისე, სხვათა შორის, როდესაც თქვენს ეკლესიაში მიმდინარეობდა გააფთრებული დავა უნათლავად გარდაცვლილ ყრმათა ცხოვნების შესახებ, ედიშერ ჭელიძეს, მისმა მოწინააღმდეგემ, ასევე ჩვენმა დაუძინებელმა მტერმა, აწ გარდაცვლილმა გიორგი გაბაშვილმა, "ახალი ბარლაამ კარლამბრიელი" უწოდა. სტატიაც კი ასე დაასათაურა გ. გაბაშვილმა. მეტიც, მისი კალმიდან ეშმაკი წრიპინებსო განაცხადა... და ჩვენ კი არა, თქვენი ეკლესიის წევრებმა შეაფასეს ასე ჭელიძის სოფისტობა.
 
(agmsarebeli. ციტატა): "იმასაც აბრალებდი ბატონ ედიშერს წმინდა იოანე ოქროპირის სწავლების თარგმანი ხელნაწერის სახით არასწორად მოიტანაო, როცა თანამედროვე თარგმანს უდარებდი".
 
როდესაც გვაქვს სხვადასხვა წყაროები, სადაც სხვადასხვაგვარად არის გადმოცემული ერთი და იგივე მოვლენა ან ფაქტი, ან ფრაზა, მგონი გვაქვს დაეჭვების უფლება. ეს სამეცნიერო დავის ერთ ერთი აუცილებელი მომენტია და ამის გარეშე ჭეშმარიტება ვერ დადგინდება. შეურაცხყოფა აქ არაფერ შუაშია.
 
(agmsarebeli. ციტატა): "მაშინ გთხოვეთ ერთად გვენახა ხელნაწერთა ცენტრში ხსენებული ადგილი წმინდა იოანე ოქროპირის სწავლებისა, მაგრამ თქვენგან უარი მივიღე. ახლა ხალხმა განსაჯოს ვინაა ობიექტური: ბატონი ედიშერი თუ თქვენ, ვინ ცდილობს კითხვებს გაექცეს და ა.შ."
 
ჩვენ მაშინ გიპასუხეთ, რომ წმ. ოქროპირის ხელნაწერის ნახვას აზრი არა აქვს-თქო. ისეც რომ იყოს, როგორც ედ. ჭელიძე წერს, ეს მაინც ვერ შეცვლის საკითხის არსს, რადგან ჩვენ ორი თითით პირჯვრისწერის მართებულობას წმ. იოანე ოქროპირს კი არ ვამყარებთ მხოლოდ, არამედ სხვა მამათა და საეკლესიო კრებათა დადგენილებებს. მაგალითად, ნეტ. თეოდორიტე და წმ. კირილე იერუსალიმელი საუბრობენ თითებზე და არა თითზე. ეს კი აშკარად წინააღმდეგობაში მოდის წმ. იოანე ოქროპირის გადმოცემასთან.
 
ამასთან აღვნიშნეთ, რომ წმ. იოანეს შეიძლებოდა სულაც არ ეგულისხმა თითებით ან თითით პირჯვრისწერის წესი, არამედ მხოლობითითი გამოხატავდა მრავლობითს, როგორც ეს მეტყველებაში ხშირად გვახასიათებს ხოლმე. ასეთი იდიომური გამოთქმები არ უნდა გავიგოთ პირდაპირი მნიშვნელობით. მაგ.: ჩემი ყურით მოვისმინე, საკუთარი ხელით გავაკეთე, ფეხით მოვიარე სოფელი და ა. შ. ხომ არ შეიძლება აქ მხოლოდ ცალი ყური, ცალი ხელი და ცალი ფეხი ვიგულისხმოთ.
 
ალბათ გახსოვს ლექსი:
 
"ტყემ მოისხა ფოთოლი, აგერ მერცხალიც ჭყივის
 
ბაღში ვაზი ობოლი, მეტის ლხენითა ტირის,
 
აყვავებულა მდელო, აყვავებულან მთები,
 
მამულო საყვარელო, შენ როსღა აყვავდები?"
 
როგორ ფიქრობ, ტყემ ერთი ფოთოლი მოისხა? ან ერთი მერცხალი ჭყივის? იქნებ ერთი მდელო აყვავდა და სხვები გამხმარნი იყვნენ? ხომ ცხადია, რომ აქ საქმე გვაქვს ე. წ. კრებითი არსებითი სახელის ფორმასთან. ჩვენც ამაზე მივანიშნებდით, რაზეც მძაფრი რეაქცია გქონდა... რაღაცას იგონებო მითხარი...
 
ასე, რომ პირჯვრისწერის საკითხში ერთ მამას კი არა (რომლის გამონათქვამი შესაძლოა არ უნდა გავიგოთ პირდაპირი მნიშვნელობით), არამედ მთელი ეკლესიის სწავლებას უნდა მივსდევდეთ. სხვათა შორის, სამი თითით პირჯვრისწერას არც ერთი წმინდა მამა არ ასწავლის. თქვენ ვერ დაგვიმოწმეთ ვერც ერთი.
 
(agmsarebeli. ციტატა): "ახლა ხალხმა განსაჯოს ვინაა ობიექტური: ბატონი ედიშერი თუ თქვენ, ვინ ცდილობს კითხვებს გაექცეს და ა. შ."
 
ხალხმა წაიკითხოს ჩვენი არქიეპისკოპოსის და ჩვენი ეკლესიის რიგითი წევრების წერილები ედ. ჭელიძის წიგნთან დაკავშირებით და იხილავს ვინ არის ობიექტური და ვინ არა.
 
 
(agmsarebeli. ციტატა): "არავინ გვირგვინოსან იქმნების არათუ სჯულიერად იღვაწოს!"- წმინდა პავლე მოციქული
 
ჭეშმარიტად!
 
ძველმართლმადიდებელი (afxazi. ციტატა): "მოდი ეხლა ასე მოვიქცეთ: ფორუმი ზედმეტად გადაავსე თქვენი საიტის სტატიებით. შესაბამისად იქამდე სანამ ხელთ არ მექნება ედიშერ ჭელიძის სტატია აღნიშნულ თემაზე, გთხობ ამ სტატიების დადებისგან თავი შეიკავო. მოვიძიებ იმ ნაშრომს, დავდებ და მკითხველმა გააკეთოს შეფასება. მანამდე კი მეგობრულად გთხოვ ცოტა გაჩერდე".
 
არ არის ეს პრობლემა, აფხაზ. თუ გინდა საერთოდაც არ დავდებ არაფერს. მგონი მე საკმარისად დავდე ყველაფერი ის, რაც ჯეროვან წარმოდგენას შეუქმნის ნებისმიერ ადამიანს ჩვენს შორის სადავო საკითხებზე. აწ ნება თქვენია. გინდ მიიღეთ გინდ არა.
 
ჩვენ ხომ მხოლოდ ძმური და მეგობრული მიზანდასახულობა უნდა გვამოძრავებდეს, რომ თუ ჩვენი აზრით ცდება ვინმე, გავაგებინოთ თავისი შეცდომა და სწორ გზაზე შევაყენოთ. ჩვენის აზრით საქმე ისეა, როგორც ეს უკვე სხვადასხვა თემებში აღვწერეთ. აწ მხოლოდ დავა და კინკლაობა საქმეს ვერ უშველის. აწ ორივე მოდავე მხარემ კიდევ უფრო უნდა გააღრმაოს თავისი ცოდნა არსებულ პრობლემებზე. დარწმუნებული ვარ კეთილსინდისიერი კვლევა სწორ გზაზე დაგვაყენებს და ერთმანეთს შეგვახვედრებს...
 
პატივისცემით. "ძველმართლმადიდებელი".
7
oldorthodox@gmail.com
საქართველოს
ძველმართლმადიდებლური
ეკლესია

ოფიციალური საიტი
Назад к содержимому